كيف تحرق دهونك بدون مكملات وبدون نادي؟

في ناس بتفكر إنك عشان تخسر دهون لازم تسجل بالنادي وتبلش مكملات وتمشي وراك مدرب 24 ساعة… بس الحقيقة؟ أغلب الشغل بصير برا النادي!
يعني حرفياً، حرق الدهون الحقيقي بيبلش من مطبخك، وبيكمل من نمط حياتك.

أول اشي: الأكل هو الملك

إذا بتاكل غلط، لو تتمرن 3 ساعات باليوم، ما رح تنحف.
شو تعمل؟

• قلل الكارب السريع: زي الخبز الأبيض، المعجنات، البسكوت

• زد البروتين: بيشبعك وبيقلل من خسارة العضلات

• اشرب مي: جسمك بحرق دهون أكتر لما يكون مرتوي

• حاول تصوم 14–16 ساعة: الصيام المتقطع فعال لحرق الدهون

ثاني اشي: امشي… وبس! ‍♂️

المشي هو أسهل تمرين لحرق الدهون:

• مش لازم نادي

• ما بتحتاج أدوات

• ما عليه ضغط نفسي

ابدأ بـ 20–30 دقيقة مشي يومي، وزيدها تدريجياً
نصيحة حمزة: “3 مشاوير قصيرة خلال اليوم أحسن من مشي ساعة متواصلة، وبتخلي الجسم يظل بحالة حرق مستمر “

ثالث اشي: النوم = هرمونات

إذا ما بتنام منيح، جسمك بوقف حرق الدهون وبيخزن دهون أكتر

• حاول تنام 7-8 ساعات

• خفف تلفون قبل النوم

• وجبة عالخفيف فيها بروتين بطيء الهضم قبل ما تنام (زي لبنة أو بيضة)

رابع اشي: خفف التوتر ‍

كل ما زاد التوتر، زاد الكورتيزول، وهاي هرمونات بتخزن دهون بالبطن
جرب تتنفس ببطء، تطلع مشي، تسمع شي هادي

نصيحة كابتن حمزة كفاوين

“اذا بلشت بالبساطة، راح تكمل… ما تستنى تكمل معدات وأوزان ومكملات! بلش برجلك، وبرغبتك، وراح توصل. جسمك أقوى مما تتخيل، بس بده استمرارية.”

خلاصة الموضوع:

• ما في عذر!

• بدون نادي، بدون مكملات، تقدر تبدأ من بيتك

• ركز على أكلك، امشي، ونظم نومك

• وإذا بدك مساعدة، كابتن حمزة معك خطوة بخطوة