الماء.. سر النجاح الحقيقي في فقدان الدهون وبناء العضلات

المقدمة

بتتابع أكل صحي وبتتمرن، بس لسا ما شايف فرق؟
غالبا المشكلة مش بالدايت ولا بالتمرين…
المشكلة ممكن تكون في كمية المي اللي بتشربها!
المي هي أهم شيء بالجسم، ومع هيك أغلب الناس ما بيعطوها الاهتمام الكافي.

المي بتزيد من سرعة الحرق

مجرد إنك تشرب نص لتر مي ممكن يرفع معدل الحرق عندك بنسبة 30% لمدة نص ساعة تقريباً!
ليش؟ لأن جسمك بيستهلك طاقة عشان يدفي المي ويوازن حرارتها، خصوصاً لو كانت مي باردة – وهيك بتحرق سعرات بدون ما تعمل شي.

المي ضرورية لنمو العضلات

البروتين لحاله ما بوصل للعضلة بدون مي، لأن الدم اللي بنقل البروتين مكون من 90% مي.
يعني لو جسمك ناشف، حتى لو أكلت بروتين ممتاز، العضلات مش رح تستفيد صح.
الخلايا المرطبة هي اللي بتنمو، أما الخلايا الناشفة، فهي اللي بتتكسر وبتنهدم.

المي بتساعد على حرق الدهون

حرق الدهون مش بس سعرات حرارية، هو تفاعل كيميائي داخل الجسم.
أول خطوة لتحليل الدهون بتعتمد على وجود المي.
وبرضو، شرب المي قبل الأكل بقلل الشهية وبساعدك تاكل أقل بدون ما تحس، وهيك تحرق دهون أكتر.

⏱️ المي بتسرع التعافي العضلي

المي بتساعد الجسم يتخلص من حمض اللاكتيك والفضلات بعد التمرين،
وبتحسن ضخ الدم للعضلات المتعبة، وبتخفف الألم والشد العضلي.
الترطيب مش خيار، هو شرط أساسي للتعافي، زي وزي النوم والبروتين.

❌ خلونا نصحح خرافة:

ناس كثير بتفكر إنو شرب مي كثير بسبب احتباس سوائل، بس الحقيقة العكس تمامًا!
قلة شرب المي هي السبب الحقيقي للاحتباس، لأن الجسم لما يحس بنقص، بيصير يخزن كل نقطة.
كل ما شربت مي أكثر، كل ما جسمك تخلص من السموم والصوديوم الزايد ونظف نفسه تلقائيًا.

✅ كم لازم أشرب مي؟

كمية المي اللي لازم يشربها الرياضي بتعتمد على وزنك، تمرينك، والجو.
بس هاي كميات تقريبية ممتازة كنقطة انطلاق:

الكمية اليومية:

• للشخص العادي: 2.5 – 3.5 لتر يوميا

• للرياضي: 4 – 6 لتر يوميا (أو أكثر إذا التمرين شديد أو الجو حار)

قبل التمرين:

• قبل التمرين بساعتين إلى 3 ساعات
  500 – 600مل

أثناء التمرين:

•  كل 15–20 دقيقة
  150 – 250مل

بعد التمرين:

• لتر لتعويض السوائل
  750مل

✳️ نصيحة الكابتن حمزة كفاوين:

راقب لون البول!
لو كان شفاف أو أصفر فاتح، أمورك تمام.
لو غامق، معناته جسمك ناشف وبدك مي.
ولو بتتعرّق كثير؟ لازم تعوّض الصوديوم والبوتاسيوم اللي بتخسرهم، مش بس المي.

الخلاصة

المي مش بس “تفصيل صغير” بنظامك…
المي هي العمود الفقري لأي خطة تنشيف، ضخامة، أو حتى دايت بسيط!
اشرب 2 – 3 لتر يوميا على الأقل، وراقب الفرق بأداءك، حرقك، وبناء عضلاتك.

التحدي

جرب تشرب 2.5 لتر مي يوميا لمدة أسبوع…
وراقب كيف طاقتك، جسمك، وشكلك رح يبلشوا يتغيروا.

حاب تعرف أكتر عن المي، التمثيل الغذائي، وبناء العضلات؟
تابع مقالات الكابتن حمزة كفاوين للمزيد من النصائح العلمية والعملية.

 تعافي العضلات،  نظام غذائي، فقدان وزن، حرق الدهون بسرعة، تحسين الاستشفاء، شرب الماء، تأثير الماء، فوائد الماء